"ოჯახს ვერასდროს შევქმნი"
2 930 ნახვა
უცნობი: "გემუდარებით, ეს წერილი დამიბეჭდეთ. თავს საშინლად ვგრძნობ. ბიჭების მიმართ ნდობა დავკარგე, რადგან ვფიქრობ, რომ მათ გოგონები მხოლოდ საფლირტაოდ სჭირდებათ.
თავიდან ურთიერთობაში თითქოს, ძალიან კარგები არიან, მაგრამ ბოლოს საშინელ სულს ამჟღავნებენ. ბევრს ვაკვირდები და თითქმის ყველა ბიჭი იტყუება. აღარ შემიძლია ამ ყველაფრის ატანა, ასეთმა მდგომარეობამ ნევროზი გამიჩინა.
ასე მგონია, ოჯახს ვერასდროს შევქმნი, რადგან არავისი და არაფრის აღარ მჯერა. ყველას ეჭვის თვალით ვუყურებ, არადა, პატარაც აღარ ვარ - 21 წლის გახლავართ. ბევრს ვფიქრობ და წინაც ვიყურები, მაგრამ ვაი, რომ კარგს ვერაფერს ვხედავ. მერწმუნეთ, მხოლოდ სამსახური მახალისებს".
ჟურნალი "გზა"
